كيف تأخذ 100 بالاسلامية | السادس الاعدادي

بسم الله الرحمن الرحيم 

اشلون تاخذ 100 بالاسلامية في الامتحان الوزاري

الاسلامية من اسهل المواد بالسادس الاعدادي (علمي-ادبي) بس يحتاج انك تقراه بشكل منتظم ولازم ما تقلل من شأنها لأن اي مادة تحتاج منك تقراه بتمعن وتركيز .

من الاسباب الي تخلي الطلاب مياخدون 100 بالاسلامية هو عدم تركيزهم عالمادة باليومي فلازم تقرا المادة يوم بيومه وما تعوفه يتراكم عليك ليلة الامتحان .

 الاسلامية تتقسم الى 5 وحدات وكل وحده تتكون من 5 دورس بالإضافة الى أحكام التلاوة 

توزيع الدرجات في الامتحان الوزاري كالآتي:

1- أحكام التلاوة = 10 درجات

2- الآية = 20 درجة

3- التفسير ومعاني الكلمات = 20 درجة

4- الاحاديث الشريفه = 15 درجة 

5- الأبحاث = 20 درجة 

6- التهذيب = 15 درجة                        

اول شي احكام التلاوة تتكون من اربع احكام (الاظهار والاخفاء والادغام والاقلاب) 

كل ما بالموضوع انك تحفظ التعريف مالتهم وحروفها وراح تتمكن تجاوب عليها وراح تضمن 10 درجات بيها 

بعدين الآيات القرآنية عندك 5 نصوص تجي منهن نصين تجاوب على واحد والآيات الشي الحلو بيهن انك تكدر تحفظهم بسهولة وما تنسي بسرعة وراح تضمن 20 درجة بيه

اما تفسير الايات عليها 15 درجة ولازم تقراه اكثر من مره حتى يترسخ بدماغك وما تنساه ابد ، 

بينما معاني الكلمات عليها 5 درجات وسهلات كلش وبهيج انت تضمن 20 درجة .

الاحاديث اكو بيه للحفظ واكو لا بس درس والحديث تقرا بيه كلشي حتى اهم ما يرشد اليه الحديث لان مهمه 

الابحاث مهمه كلش وعليها 20 درجة صح طويله واكو بيهم يشوفوا معقد بس اذا تقراه كل يوم بيومه راح تصير سهله كلش 

التهذيب من اسهل مواضيع الكتاب بس يحتاج منك تقراه بشكل كامل وما تترك منه اي شي وعليها 15 درجة 

وبالاخير مادة الاسلامية من المواد الي سهل تاخد بيه 100 

واهم شي تقراه بالتحضير اليومي وما تعوفه لليلة الامتحان حتى ما يصعب عليك 

 وافضل ملزمة لمادة الاسلامية هي ملزمة الاستاذ عدنان البياتي 

ولتنزيل الملزمة على جوجل درايف : إضغط هنا

               

واتمنالكم النجاح والموفقية